- യു.ജി.സി. അംഗീകാരമുള്ള ബിരുദമാണ് അടിസ്ഥാന യോഗ്യത. ഓണ്ലൈനായും തപാലിലൂടെയും നേരിട്ടും അപേക്ഷ സമര്പ്പിക്കാം. വിജ്ഞാപനം ചെയ്ത കേന്ദ്രങ്ങളില് നിശ്ചിത ദിവസം പരീക്ഷ നടത്തും. ഒരു അപേക്ഷകന് രണ്ട് കോഴ്സുകള്ക്ക് അപേക്ഷിക്കാം. ഓരോന്നിനും പ്രത്യേകം അഭിരുചിപ്പരീക്ഷ എഴുതണം.
- അപേക്ഷാഫീസ്
കോഴ്സ് (ഒന്നിന് ) - 450 രൂപ
കോഴ്സ് (രണ്ട്) - 900 രൂപ
- പട്ടികജാതി/പട്ടികവര്ഗ/ഭിന്നസേഷിയുള്ള അപേക്ഷകര്ക്ക്
കോഴ്സ് (ഒന്നിന് ) - 225 രൂപ
കോഴ്സ് (രണ്ട്) - 450 രൂപ
- അപേക്ഷകര് ഒന്നര മണിക്കൂര് ദൈര്ഘ്യമുള്ള പ്രവേശനപ്പരീക്ഷ (അഭിരുചിപ്പരീക്ഷ) എഴുതണം. ഓരോ പരീക്ഷക്കും 100 മാര്ക്കിന്റെ ചോദ്യങ്ങള് ഉണ്ടായിരിക്കും. 20% ചോദ്യങ്ങള് ഒറ്റവാക്കില് ഉത്തരം എഴുതേണ്ടവയാണ്. 80% ചോദ്യങ്ങള് വിവരണാത്മക രീതിയില് ഉള്ളവയായിരിക്കും. ( 10 മാര്ക്കിന്റെ 6 ചോദ്യങ്ങള്നിന്നും ഏതെങ്കിലും 4 ചോദ്യങ്ങള്ക്ക് രണ്ടരപ്പുറത്തില് കവിയാതെയും, 20 മാര്ക്കിന്റെ 2 ചോദ്യങ്ങളില് നിന്ന് ഏതെങ്കിലും ഒരു ചോദ്യത്തിന് 5 പുറത്തില് കവിയാതെയും ഉത്തരം എഴുതണം. 10 മാര്ക്ക് വീതമുള്ള അവസാനചോദ്യങ്ങള് മലയാളത്തില് നിന്ന് ഇംഗ്ലീഷിലേക്കും ഇംഗ്ലീഷില് നിന്ന് മലയാളത്തിലേക്കുമുള്ള വിവര്ത്തന ചോദ്യങ്ങളാണ്)
- അഭിരുചിപ്പരീക്ഷയില് 40 ശതമാനം മാര്ക്ക് കിട്ടിയെങ്കിലേ പ്രവേശനത്തിന് പരിഗണിക്കൂ. ബിരുദതലത്തില് കിട്ടിയ മാര്ക്കും പ്രവേശനപ്പരീക്ഷയിലെ മാര്ക്കും 50:50 എന്ന അനുപാതത്തില് പരിഗണിച്ച് പ്രസിദ്ധീകരിക്കുന്ന റാങ്ക് ലിസ്റ്റില് നിന്നാണ് പ്രവേശനം നടത്തുക.സര്ക്കാര് അനുശാസിക്കുന്ന ഫീസ് ഇളവുകളും സംവരണവും പാലിച്ചാണ് അഡ്മിഷന് നടത്തുന്നത്. പ്രവേശനത്തിനുള്ള പരമാവധി വയസ്സ് : 28 (കോഴ്സിന് ചേരുന്ന സമയത്ത്) (പട്ടികജാതി/പട്ടികവര്ഗ്ഗ വിഭാഗത്തിലെ അപേക്ഷകര്ക്ക് 30 വയസ്സ്) ആഗസ്റ്റ് മുതല് ഡിസംബര് വരെയും ജനുവരി മുതല് ജൂലൈ വരെയുമാണ് സെമസ്റ്ററുകള്.
ഏപ്രില്, മേയ് മാസങ്ങളില് വേനലവധി